یا رب وہ نہ سمجھے ہیں نہ سمجھیں گے

ہم آپ کافی مرتبہ ایسی صورت حال سے دو چار ہوئے ہوں گے کہ ہم کہنا کچھ اور چاہتے ہوں گے مگر مطلب کچھ اور لے لیا گیا ہوگا۔

آج مجھے پتہ چلا کہ ہمارے ایک محترم استاد نے ایک فارمولا بنایا ہے جس کے مطابق :

اگر ایک بات مختلف طریقوں سے کہی جاسکتی ہو تو ہمیشہ اس انداز میں سمجھی جائے گی جس سے سب سے زیادہ نقصان کا اندیشہ ہو

بہر حال گفتگو اور تقریر کے فن بارے آپ کو بہت سے کتابیں مل جائیں گی، بہت سے مشورے اور نصائح ہر جگہ دتیاب ہوتے ہیں کہ بات چیت کا مہذب انداز کیا ہونا چاہئے۔

 کمیونیکیشن سکلز یا  تبادلہ خیال کے عمل میں مہارت ایک ایسی چیز ہے جس کی ڈاکٹرز کو بالخصوص اور ہر پیشہ ور کاریگر کو بالعموم ضرورت ہوتی ہے ۔ ڈاکٹرز کو اس لئے کہ اگر انھیں تبادلہ خیال کے عمل میں بہم مہارت حاصل نہ ہو تو ان کی بات کا کوئی غلط مطلب کسی کے لئے زندگی اور موت کا مسئلہ بھی بن سکتا ہے۔ اور کبھی کبھی روا روی میں کہی گئی بات کسی مریض کے لئے سوہان روح بھی بن سکتی ہے۔

بہر حال، آج اسی موضوع پر ایک روزہ ورکشاپ میں شرکت کا موقع ملا، گو کہ مقرریں کی زیادہ تر توجہ انداز بیان کے سنوارنے پر اور اس سے متعلق کئی پہلووں پر تھی، مگر موضوع سے متعلق کافی اخلاقی  چیزیں بھی زیر غور آئیں۔

آج  سیکھنے کو کافی کچھ ملا، مگر ایک بات کا افسوس رہا۔  وہ یہ کہ  اخلاقیات پر اتنا زور دیا گیا کہ آخر میں یوں لگتا تھا کہ جیسے  ہم کسی مذہبی محفل میں آ بیٹھے ہوں ۔اور ایک اور بات بھی دیکھنے کو ملی۔کچھ سینئرز کے درمیاں رابطے کا فقدان تھا جسے کمیونیکیشن گیپ بھی کہا جاتا ہے۔ اور اس فقدان کی وجہ سے تھوڑی بہت بد مزگی بھی پیدا ہوئی۔

ایک دوست نے کیا خوب تبصرہ کیا کہ ‘  وہ عالم ہی کیا جو خود عمل کرے’۔