الحمد للہ

الحمدللہ۔۔ دہشت گردوں کی شکست کے آثار نمایاں ہو چلے۔
لحمد للہ، دشمنوں کے حوصلے پست ہونے لگے۔
الحمد للہ سازشیوں کی کوششیں رائگاں ہونے والی ہیں۔
یا رب العالمین تیرا جتنا بھی شکر ادا کیا جائے، کم ہے۔
سوات میں مینگورہ میں پاک فوج کے مد مقابل طالبان نے یکطرفہ جنگ بندی کا اعلان کر دیا ہے جو کہ مبصرین کی نظر میں شکست کا ایک اعلان ہے۔ یہ وہی لوگ ہیں جو کچھ عرصہ قبل رعونت سے کسی نظام کو ماننے سے انکاری تھے، یہ لوگ ہر ایک کو کافر بنانے پر تُلے ہوئےتھے۔ اور ہم لوگ بے چارگی کی تصویر بنے ہوئے تھے۔
اللہ کا لاکھ لاکھ شکر ہے کہ ہم نے ، ہماری قوم نے، ہماری بہادر فوج نے قربانیاں دیں اور آج جب کہ خوشخبری کا دن قریب ہی آرہا ہے، میری دُعا ہے کہ اللہ پا ک ہمیں اس آزمائش سے دوبارہ دوچار نہ کرے جس میں ہم ماضی قریب میں مبتلا رہے ہیں۔