اب بھی نہ سدھرے تو

مجھے اسلام آباد میں ہونے والے دھرنے سے اس لئے کوئی خاص دلچسپی نہیں کہ مجھے یہ دھرنا یا دھرنے عوام کی نمائندگی کرتے نظر نہیں آتے۔ یہ کچھ اور کھیل ہے جس کو اس وقت میں سمجھنے سے قاصر ہوں۔

شائد آپ میری اس ناکامی کو میری کانسپیریسی پکوڑوں والی عادت پر محمول کریں مگر حالات اتنے بھی سیدھے نہیں جتنے دکھائی دیتے ہیں۔

کل ایک واقعہ ہوا۔ مبینہ طور پر سابق وزیر داخلہ رحمان ملک اور ایک عدد ن لیگی ایم این اے کے دیر سے آنے پر ہوائی جہاز کے مشتعل مسافروں نے ان کو بیٹھنے سے روک دیا۔

آپ نے سوشل میڈیا پر وہ وڈیوز دیکھ بھی لی ہوں گی جو اس وقت بنائی گئیں۔ میں نے اس واقعے کو درخور اعتنا نہ سمجھا مگر جب میں نے عبدالرحمان ملک صاھب کی ٹویٹ پڑھی تو ذرا سی تحقیق کو دل چاہا۔

یہ ہے ان کی ٹویٹ کا سکرین شاٹ۔

 

 

 

 

 

 

 

 

 

 

 

 

ٹویٹر پر ہی ایک دوست نے اس وقت کی مسافروں کے ہاتھوں بنائی گئی فیس بک کی کچھ وڈیوز کا لنک شامل کیا اور میں نے وہ وڈیوز دیکھیں۔ ان سے اندازہ ہوا کہ اس ٹویٹ میں اگرجھوٹ نہیں کہا گیا تو سچ بھی نہیں بتایا گیا۔

پہلی وڈیو دیکھیئے جو مسلم لیگی ایم این اے کے آنے پر بنی۔ ایم این اے صاحب وضاحت کر رہے ہیں کہ فلائٹ میں تاخیر ان کی وجہ سے نہیں ہو رہی بلکہ ایک عدد مسافر نے آنا ہے۔ اس وجہ سے رکی ہوئی ہے۔ وہ تو لاونج میں بیٹھے تھے۔

اس پر ایک عدد مسافر کہتا ہے کہ جی ان کو علم ہے کہ وہ آنے والی شخصیت رحمان ملک کی ہے۔

جب مذکورہ مسافر آیا تو اس کے ساتھ یہ کچھ ہوا۔  اس پر بھی اگر عبدالرحمان ملک صاحب یہ کہتے ہیں کہ ان کا اس میں کوئی قصور نہیں تو کن کا ہے؟

کب تک یہ سیاست دان جھوٹ بول کر عوام کو دھوکہ دیتے رہیں گے۔

اب بھی نہ سدھرے تو پھر کچھ نہیں بچے گا۔