کوئی بتلائے مجھ کو کہ ۔۔۔۔ ۔

اب جب کہ میں اپنی ایک ڈومین رجسٹر کروانے میں کامیاب ہو گیا ہوں تو وہ والا احساس ہوا جو منیر نیازی مرحوم کو ہوا تھا
اک اور دریا کا سامنا تھا منیر مجھ کو
میں ایک دریا کے پار اترا تو میں نے دیکھا
اب پتہ چلا ہے کہ اپنی ڈومین بنا کر کنفگر کرنا بھی بڑی بات ہے، کجا یہ کہ اسے خود ہوسٹ بھی کروائیں۔ اپنے دوست ڈاکٹر بلال عالم کی حالت کا اب صحیح اندازہ ہورہا ہے جب خود سر پر آن پڑی ہے۔ مجھے ا پنے ایک  مراسلے میں دوستوں نے کافی اچھے مشورے دئیے اور اب میں سوچ رہا ہوں ایک ایک کو تفصیلا پڑھنا شروع کردوں۔ فی الحال میں سوچ رہا تھا کہ قدیر احمد کے مشورے پر فٹافٹ عمل کرلوں مگر ان کے دئے گئے ربط پر جا کے بھی کچھ اندازہ نہیں ہو پارہا۔ وہاں مجھ سے ڈی این ایس ایڈریس، سی نیم اور نجانے کیا الا بلا مانگا جا رہا ہے جو میں نے خواب میں بھی نہ سوچا تھا۔ دیکھئے کیا ہوتا ہے۔ فی الحال تو بلاگر نے بھی مہذبانہ الفاظ میں کہہ دیا ہے کہ ‘ بیٹا ذرا ٹھنڈا کر کے کھا، تیری ڈومین ابھی ابھی تو رجسٹر ہوئی ہے۔ ‘
کیا مجھے کوئی بتائے گا یہ نیم سرور کیا بلا ہے اور میں اس کیسے اپنے ڈومین نیم سے ملحق رکھوں؟ اور یہ کہ فی الحال ہوسٹنگ کے مسائل چھوڑ کر مجھے اب کیا کیا کرنا ہوگا؟
مجھے تو ابو شامل پر رشک آرہا ہے جن کو سب پکا پکایا مل گیا تھا