شاید اس طرح کہ جس طور کبھی اولِ شب
بے طلب پہلے پہل مرحمتِ بوسہء لب
جس سے کھلنے لگیں ھر سمت طلسمات کے در
اور کہیں دور سے انجان گلابوں کی بہار
یک بیک سینہء مہتا ب کو تڑپانے لگے
شاید اسطرح کہ جس طور کبھی آخرِ شب
نیم وا کلیوں سے سر سبز سحر
یک بیک حجرہء محبوب میں لہرانے لگے
اور خاموش دریچوں سے بہ ہنگامِ رحیل
جھنجھناتے ھوئے تاروں کی صدا آنے لگے
کس طرح آئے گی جس روز قضا آئے گی
شاید اس طرح جس طور تہِ نوکِ سناں
کوئی رگ واہمہء درد سے چلانے لگے
اور قزاق سناں دست کا دھندلا سایہ
از کرں تا بہ کراں دہر پہ منڈلانے لگے
جس طرح آئے گی جس روز قضا آئے گی
خواہ قاتل کی طرح آئے کہ محبوب صفت
دل سے بس ھو گی یہی حرفِ ودع کی صورت
للہ الحمد بانجام دلِ دل زدگاں
کلمہ شکر بنامِ لبِ شیریں دہناں
فیض احمد
نہایت عمدہ۔۔۔۔۔۔۔ غالباً فیس بک پر بھی اس کا تذکرہ چل رہا تھا راشد صاحب کی پروفائل پر۔ دو دن پہلے۔
ڈاکٹر صاحب میرے کمنٹ نہیں ہو رہے میں نے آپ کے بلاگ کو کان پکروا دینے ہیں ۔آہو
السلام علیکم ورحمۃ وبرکاتہ،
بہت خوب بہت اچھے۔ یہ مصرعہ مجھےبہت اچھا لکھا۔
شاید اسطرح کہ جس طور کبھی آخرِ شب
نیم وا کلیوں سے سر سبز سحر
یک بیک حجرہء محبوب میں لہرانے لگے
اور خاموش دریچوں سے بہ ہنگامِ رحیل
جھنجھناتے ھوئے تاروں کی صدا آنے لگے
کس طرح آئے گی جس روز قضا آئے گی
والسلام
جاویداقبال
.-= جاویداقبال´s last blog ..غبارخاطر(خط نمبر1خط نمبر2) =-.
Comments are closed.