ریمنڈ ڈیوس کی جاں خلاصی اور ہم

اب جبکہ مسمی ریمنڈ ڈیوس خون بہا کی رقم ادا کر کے، مقتولین کے ورثا سمیت پاکستانی سرزمین سے جا چکا ہے، میرا خیال ہے سیاسی جماعتوں کو منافقت ختم کرنے پہ بھی توجہ دینی چاہئے۔

ریمنڈ ڈیوس سے جان چھڑانے کے لئے قصاص و دیت کے قانون کا جیسا بھی استعمال کیا گیا، اپنے پیچھے بہت سے سوالات چھوڑ گیا۔

اگر ریمنڈ ڈیوس کے معاملے میں اسلامی قانون کا نفاذ کر کے جان چھڑائی جا سکتی ہے تو ان لوگوں کا کیا قصور تھا جو اپنے علاقے میں اسلامی نظام، شریعت کے نفاذ کا مطالبہ کر رہے تھے؟ ان کو کیوں نشانہ بنایا گیا؟ اگر ان کا نفاذ اسلام کا مطالبہ غلط تھا، تو ریمنڈ ڈیوس کے معاملے میں اسلامی نظام کی من مانی تشریح بھی غلط ہوئی۔ اگر یہ درست ہے تو وہ کیوں غلط؟

سمجھ نہیں آ رہا یہ سب چکر کیا ہے؟ کون درست ہے، کون غلط ہے؟ فی الحال تو حکومتی حلقوں کے بیانات ہی سُنے جا سکتے ہیں جو اپنا پورا زور اس بات پر لگا رہے ہیں کہ یہ سب عین اسلام کے مطابق ہوا۔