دعائے صحت کی درخواست

کچھ دن قبل میں نے روزنامہ ایکسپریس کی ایک خبر کے حوالے سے مظفر گڑھ میں پاکستان پیپلز پارٹی کے منتخب رکن اسمبلی جمشید دستی کے حامیوں کے ڈاکٹروں پر تشدد پر مذمت کی تھی۔ یہ مراسلہ اسی حوالے سے ہے۔
مجھے ینگ ڈاکٹرز ایسوسی ایشن پاکستان کی پنجاب شاخ کے جنرل سیکریٹری ڈاکٹر سلمان کاظمی کا ایک ایس ایم ایس موصول ہوا جس میں انھوں نے اطلاع دی کہ اس غنڈہ گردی کے بعد مظفر گڑھ میں پاکستان میڈیکل ایسوسی ایشن کے جنرل سیکرٹری ڈاکٹر مہر اقبال  شدید زخمی ہوئے ہیں۔ وہ اس وقت نشتر ہسپتال کے وارڈ نمبر 15 کے کمرہ نمبر 28 میں زیر علاج ہیں۔
ان کے زخموں کی تفصیلات کچھ اس طرح ہیں۔

1: دایاں جبڑہ متعدد مقامات سے ٹوٹ گیا ہے۔
2: دائیں آنکھ کا لینس اپنی جگہ سے ٹوٹ کر آگے آ گیا ہے۔
3: دائیں آنکھ میں ہی پچھلے حصے میں خوں کے جمع ہونے سے بصارت زائل ہو گئی ہے۔

جمشید دستی نے ایم ایس مظفر گڑھ ہسپتال کو کریمنل کہا، تو یہ سب  کچھ جو ڈاکٹر کے ساتھ ہوا، کیا مہذب لوگوں کی حرکت ہے؟
اگر ڈاکٹروں نے جان بوجھ کر غفلت کا ارتکاب کیا بھی تو، اس کی یہ سزا تو ہر گز نہیں ہے۔
میری دلی خواہش ہے کہ ان غنڈوں کو جنھوں نے ڈاکٹرز پر تشدد کیا، سخت سے سخت سزا دی جائے۔۔

میری آپ سب سے یہ درخواست ہے کہ اس مراسلے کے پڑھنے کے بعد ڈاکٹر مہر اقبال کے لئے ایک مرتبہ دعائے صحت ضرور کریں۔