جو لوگ روٹی نہیں خرید سکتے

 جس طرح:

 

کسی بھی شیمپو کے مسلسل استعمال سے بال لمبے نہیں ہو سکتے کہ بالون کی لمبائی کا تعین جینیاتی طور پر ہوتا ہے،
کسی بھی بیوٹی سوپ کے استعمال سے کوئی لیلی ، ممتاز محل نہیں بن سکتی کہ وجہ وہی جینیاتی ہے۔
ڈالڈا کی مامتا اور ماں کی مامتا میں زمین آسمان کا فرق ہے۔
صرف پرفیوم لگا کر کسی کو متاثر نہیں کیا جا سکتا، خصوصا اگر حلیہ لباس کے حوالے سے “مراثیوں ” والا لگ رہا ہو۔
دنیا کا کوئی بھی شیمپو سر کے بالوں کی عام خشکی کو مکمل ختم نہیں کر سکتا ، سوائے اس کے کہ سر کی خشکی فنگس کی وجہ سے ہو، اور اس کا علاج ہیڈ اینڈ شولڈر جیسے شیمپو نہیں کر سکتے۔
بناسپتی گھی کبھی خالص گھی کا نعم البدل نہیں ہو سکتا۔
صرف 35 روپے میں بکنے والی کریم سے محیر العقول معجزات کی توقع ایک بے وقوف لڑکی ہی کر سکتی ہے۔

دودھ والے سے خالص دودھ کی توقع نہیں رکھی جا سکتی۔

اسی طرح صرف سیاسی بیانوں سے ملک میں صحت کے شعبہ میں بہتری کی توقع رکھنا بے وقوفی ہے۔

 ایک ساٹھ سالہ عورت جو اپنی سانس کی بیماری کا بروقت علاج اس لئے نہیں کر واسکی کہ اس کے پاس رقم نہیں تھی۔ اب بیرون ملک مقیم بیٹے کی کمائی کے بل بوتے پر اگر ہسپتال آئی ہے تو نقصان اتنا زیادہ ہے کہ شائد وہ مسلسل آکسیجن کے بغیر رہ نہ سکے۔

جو لوگ روٹی نہیں خرید سکتے، وہ آکسیجن کیسے خریدیں گے؟