بلاگ رول کیسے بنایا جائے؟

مجھے بالکل اندازہ نہیں تھا کہ بلاگ شروع کرنے کے بعد اتنی زیادہ حوصلہ افزائی ہو گی۔ اگر ہوتا تو میں شائد پہلی مرتبہ ہمت نہ ہارتا۔ مگر اس میں ہمت سے بھی زیادہ دوسری باتوں کا عمل دخل تھا۔

 

بہر حال میں سب دوستوں کا ممنون ہوں کہ انھوں نے میری ہمت بڑھائی اور مفید مشورے دیئے۔

شکاری نے ایک سوال پوچھا بلاگ رول کے بارے میں، کہ کیا میں کوئی پلگ ان استعمال کر رہا ہوں یا نہیں۔

اس پوسٹ میں میں بتانے کی کوشش کروں گا کہ میں نے یہ کیسے کیا۔ اگر ٓپ بلاگر استعمال کرتے ہیں تو پھر تو یہ بہت آسان ہے۔ ورڈ پریس یا کوئی اور سروس استعمال کرنے والوں سے معذرت کہ مجھے اس بارے میں کچھ خاص علم نہیں ہے، اور کوئی دوست اس مد میں مفید مشورہ دینا چاہیں تو یہ صفحات حاضر ہیں۔

بلاگر ڈاٹ کام پہ لاگ ان ہونے کے بعد پہلا قدم اسے کسٹمائز کرنا ہے۔ آ پ کو جس لنک پہ کلک کرنا ہوگا وہ مندرجہ ذیل تصویر میں نشان زدہ ہے۔

اس کے بعد جو صفحہ کھلے گا اس میں آپ مندرجہ ذیل لنک پر کلک کریں۔

ایک نئی ونڈو میں آپ کے لئے مختلف پلگ ان یا ایڈ آن فراہم کئے جائیں گے۔ ان سب میں سے بلاگ لسٹ والا منتخب کر لیں اور اس کے دائیں جانب والے جمع کے نشان پر کلک کر دیں

اگلے مرحلے میں اس پلگ ان میں ضروری چیزوں کو منتخب کریں جو کہ آپ چاہتے ہیں کہ کسی بلاگ کی نمائندگی کریں
اور پھر نیچے آ کراس لنک پر کلک کر دیں۔

اور پھرآخری قدم، بلاگ کی معلومات، یعنی یو آر ایل لکھ دیں۔ بس۔ اور میرا بلاگ آ پ کی بلاگ لسٹ میں شامل ہو جائے گا۔

 

امید ہے آپ کو اس سے کچھ فائدہ ہوگا۔ ایک بار پھر واضح کرتا چلوں کہ یہ طریقہ صرف بلاگر یا بلاگ سپاٹ پر مستعمل ہے۔