طالبان اور ان کی تعلیمی قابلیت

آپ نے بالکل ٹھیک کہا ہے۔ اگرچہ یہ بات کچھ لوگ نجانے کیوں تسلیم نہیں کرتے لیکن پاکستانی طالبان کا ایک بڑا حصہ ایسے ہی محروم اور احساس کمتری کےشکار لوگوں سے بنا ہوا ہے۔ انکے اس احسا س کی وجہ ہمارے انتظامی معاملات بھی ہو سکتے ہیں۔ جیسے کیوں قبائلی علاقوں میں رہنے والے لوگوں کو وہاں کے با اثر عناصر کے حوالے کر دیا گیا۔ باقی ملک کے لئے جمہوریت کی تحریکیں چلانے والے کیوں ان افراد کے بنیادی حقوق کی تحریک چلانے سے گریز کرتے رہے۔ کیوں باقی سارے ملک سے الگ ہم نے وہاں اسلحے کی سیاست پنپنے دی۔آخر کیوں ہم نے انہیں ہر جگہ سے کاٹ کر رکھا۔ جنگ میگزین میں چھپنے والے عمران خان کے مضامین میں۔ میں نے ایک دفعہ پڑھا کہ وہ قبائلی علاقوں کے جرگہ نطام سے بڑے متائثر ہیں۔ حالانکہ وہ خود ہمیشہ مہذب کیا مہذب ترین معاشرے کے فرد بنے رہے۔ لیکن حقائق سے لاعلم اور افسانویت کے شکار لوگ یہ کیوں بھول جاتے ہیں کہ دنیا کی آسانیوں پہ سب انسانوں کا حق ہے اور جنہیں نہیں مل رہا ان کے لئے ہمیں اپنے نظام میں تبدیلی لانی چاہئیے۔ آپ مذہب کی لالی پاپ دیکر محروم شخص کو زیادہ دیر بہلا نہیں سکتے۔

منیر عباسی جی سیدھی سی بات ہے انکی گفتگو بتا رہی ہے کہ کتنا علم ہے انکے پاس ۔ جہاں تک مدرسے جانے کا سوال ہے تو مدرسے ہم سب کے سامنے ہیں وہاں کیا ہو رہا ہے ۔ اور کیا ہوتا آیا ہے ۔ پھر اگر خود علم حاصل کیا ہوتا تو علم کو یوں بدنام نا کرتے ۔

اسلحے کی سیاست، … عنیقہ صاحبہ، میرا خیال ہے آپ بھی بس وہاں کے بارے میں سنی سنائی کی حد تک ہی اپنے حاصل کردہ علم پر انحصار کئے جا رہی ہیں. وہ لوگ سب کچھ کر لیں گے، مگر اسلحہ نہیں چھوڑیں گے.

ایک استثنائی صورتحال کے بارے میں اپنے ابا جان سے سُنا ہے، والئی سوات نے سوات میں ایسا نظام قائم کیا تھا کہ پوری ایک نسل ہتھیار چلانا بھول گئی تھی.. یہ اور بات کہ والی صاحب کے سب اقدامات اچھے نہیں تھے..

یہ بحث پھر کبھی .. یار زندہ صحبت باقی ..

آپ نے جو کہا میں اس سے بالکل متفق ہوں…
ہر علاقے کی اپنی ثقافت اور رسوم ورواج ہوتے ہیں اور کوئی بھی فیصلہ ان کو کلی طور پر نظر انداز کئے بغیر کبھی کامیاب نہیں ہوسکتا…
ایک بات ہم جذبات میں یا دانستہ طور پر نظر انداز کردیتے ہیں کہ اس سارے فساد کی جڑ امریکہ کی افغانستان میں آمد ہے. اس سے پہلے نہ تو خودکش حملے تھے اور نہ ہی فوج کے خلاف جنگ کی صورتحال … آج سلیم صافی نے بھی لکھا ہے کہ پشتو کی کہاوت کے مطابق جب تندور دہکتا ہے تو سب اپنی اپنی روٹیاں لگانے آ جاتے ہیں. اس ساری صورتحال کا فائدہ اب بھارت، روس، ایران، اسرائیل، امریکہ سب اٹھار ہے ہیں.
ہمیں امریکہ کے مفادات کی عینک اتار کر اس ساری صورتحال کو اپنے ماحول اور مفادات کے تناظر میں حل کرنا پڑے گا.. ورنہ
سو پیاز اور سو چھتر والا حال ہوگا….

دیکھئے حافظ صاحب،
بات اگر نظام کی بھی ہے تو اس میں کوئی شک نہیں کہ تعلیم یافتہ قیادت زیادہ دور اچھے فیصلے کرسکتی ہے۔

اس سب سے میرا مقصد اس طرف توجہ دلانا تھا کہ طالبان اور اسلامی نظام کے نفاذ کے نام پہ جو لوگ کوشش کر رہے ہیں وہ تو باقاعدہ اس نظام سے مستفید بھی نہیں ہوئے، ان سے یہ توقع رکھنا کہ وہ ایک منصفانہ نظام قائم کریں گے جس میں کسی سے ناانصافی نہیں ہوگی، عبث ہے۔

اور یہی بات ان کے خلاف جاتی ہے۔